نیویارک، 12؍مارچ ( آئی این ایس ا نڈیا ) امریکہ کے نشریاتی ادارے سی این این کے مطابق صدر جو بائیڈن تجارت کے لیے روس کو حاصل موسٹ فیورٹ نیشن کا اسٹیٹس واپس لے لیں گے۔ اے پی کے مطابق تجارت کے لیے بہترین ملک کا یہ اسٹیٹس روس کے یوکرین پر حملے کے جواب میں واپس لیا جائے گا۔بین الاقوام جوہری توانائی ایجنسی (آئی اے ای اے) نے یوکرین میں چونوبیل جوہری پاور کی صورت حال سے متعلق تشویش کا اظہار کیا ہے۔’نیو یارک ٹائمز‘ کی خبر کے مطابق چرنوبیل پلانٹ پر روس کے قبضے کے بعد سے وہاں عملے میں تبدیلی نہیں ہوسکی ہے جس کی وجہ سے وہ تھکاوٹ کا شکار ہوچکے ہیں۔

امریکہ کے نشریاتی ادارے سی این این نے جمعے کو رپورٹ کیا ہے کہ صدر جو بائیڈن تجارت کے لیے روس کو حاصل موسٹ فیورڈ نیشن کا اسٹیٹس واپس لے لیں گے۔خبر رساں ادارے کے مطابق تجارت کے لیے بہترین ملک کا یہ اسٹیٹس روس کے یوکرین پر حملے کے جواب میں واپس لیا جائے گا۔امریکہ کے اس اقدام کی صورت میں امریکہ اور اس کے اتحادیوں کی جانب سے روس کی درآمدی اشیا پر بھاری ٹیکس لگائے جائیں گے۔اس وقت پوری دنیا کی معیشت مشکلات کا شکار ہیں۔ پہلے کرونا کی وبا نے دنیا بھر کی معیشتوں پر منفی اثرات ڈالے اور اب دنیا ان اثرات سے نکلنے کی جدوجہد ہی کر رہی تھی کہ یوکرین پر روسی حملے اور اس سے جاری جنگ نے معیشتوں کو ایک بار پھر ہدف بنایا۔

تیل کی بڑھتی ہوئی قیمتوں کے علاوہ تقریباً دنیا کے ہر حصے ہی میں اشیاء صرف کی قیمتوں میں روز بروز ہوتے اضافے نے لوگوں کی زندگیاں اجیرن کر دی ہیں، خاص طور پر غریب اور ترقی پذیر ملکوں کی مشکلات بہت بڑھ گئی ہیں۔پاکستان بھی ان ہی ملکوں میں شامل ہے جہاں معاشی حالات پہلے ہی خراب تھے۔ لوگوں کی مشکلات کم کرنے کے لیے پاکستان کی حکومت نے تیل اور بجلی وغیرہ کی قیمتوں میں کمی کر کے عوام کو جو بقول اس کے ریلیف دیا ہے۔ جس کے متعلق بعض ماہرین کے مطابق اس سے پاکستان کی معیشت پر مزید دباؤ آئے گا اور آنے والے دن اور زیادہ سخت اور مشکل ہوں گے۔ اس کے علاوہ ملک کے اندر سیاسی طور پر جو بے یقینی کی صورت ہے وہ ممکنہ بیرونی سرمایہ کاری کی راہ میں ایک بڑی رکاوٹ بنی ہوئی ہے۔ آنے والے دنوں میں حالات کیسے رہیں گے۔ اس بارے میں ماہرین معاشیات متنوع خیالات رکھتے ہیں۔